Sonte zhvillohen edhe katër përballje tjera të Ligës së Kampionëve që do të kompletojnë fazën e 1/8 së finales në këtë kompeticion.

Dita nis me takimin Atalanta – Dortmund e cila zhvillohet në Bergamo nga ora 18:45, shkruan Arbresh.info.

Përballja e parë është mbyllur me rezultat 2-0 në të mirë të verdhezinjve, derisa ata kanë për qëllim ta mbajnë këtë rezultat për ta prerë biletën për rrethin tjetër. Ndërkohë, Atalanta e Gjimshitit synon rikthimin e madh.

Tjetër skuadër italiane zhvillon një përballje të vështirë mbrëmjen e sotme. Bëhet fjalë për Juventusin e Edon Zhegrovës, klub i cili në Torino pret Galatasarayn që e ‘demoloi’ ndeshjen e parë.

Turqit kanë avantazh prej tri golave (5:2), rezultat ky nga ndeshja e parë e zhvilluar javën e kaluar në Stamboll.

Një tjetër supersfidë është derbi francez mes PSG dhe Moncas që luhet në ‘Parkun e Princave’. Sfida e parë u mbyll 3-2 në të mirë të skuadrës së Luis Enrique.

Krejt në fund, Real Madridi është nikoqir i Benficas në ‘Santiago Bernabeu’. I hendikepuar pa Mbappen, ‘Los Blancos’ synon ta mbajë rezultatin e ndeshjes së parë në Portugali.

Madrilenët fituan minimalisht 1-0 dhe sot do të tentojnë ta mbajnë këtë rezultat. Këto ndeshje nisin nga ora 21:00./Arbresh.info